ളാലം
ബ്ലോക്ക് പഞ്ചായത്ത്

കോട്ടയം ജില്ലയുടെ മധ്യഭാഗത്തായി ഭൂമിശാസ്ത്രപരമായി ഇടനാട് മേഖലയിൽ ഉൾക്കൊള്ളുന്ന ചെറുതും വലുതുമായ കുന്നുകളും താഴ്വരകളും കൊച്ചരുവികളും കൈത്തോടുകളും വയലേലകളും നിറഞ്ഞു നിൽക്കുന്ന ളാലം ബ്ലോക്ക് പഞ്ചായത്ത് 01/04/1960 ലാണ് സംസ്ഥാപിതമായത് കൂവയ്ക്കാമല, ഇളപൊഴുതുമല, സെന്‍റ് തോമസ് മൗണ്ട് എന്നിവ ഉൾക്കൊള്ളുന്ന മണൽ കലർന്ന ചെമ്മണ്ണ് ഭൂപ്രകൃതിയായുള്ള ഈ പ്രദേശത്തെ പ്രധാന കൃഷി റബർ ആണ്. ഇതു കൂടാതെ നെല്ല്, തെങ്ങ്, വാഴ, കപ്പ, ഇഞ്ചി എന്നിവയും കൃഷി ചെയ്യുന്നുണ്ട്. ളാലം ബ്ലോക്ക് പഞ്ചായത്തിന്‍റെ ജലസമ്പുഷ്ടിയുടെ അടിസ്ഥാനം എന്നത് കരൂർ ഗ്രാമപഞ്ചായത്തിലെ പയപ്പാർ തോട്, ഭരണങ്ങാനം ഗ്രാമപഞ്ചായത്തിലൂടെ ഒഴുകുന്ന മീനച്ചിലാർ, മീനാറത്തോട്, ചൂണ്ടച്ചേരിത്തോട്, മുത്തോലി പഞ്ചായത്തിലെ മണ്ണറനാൽ തോട് മുടക്കുഴത്തോട്, മീനച്ചിൽ ഗ്രാമപഞ്ചായത്തിലെ പച്ചാത്തോട് കൊഴുവനാൽ ഗ്രാമപഞ്ചായത്തിലെ അറയ്ക്കൽ തമ്പഴത്തോട്, മണ്ണാനിത്തോട്...